जनप्रतिनिधि मन अऊ अधिकारी मन ह 125 जोड़ा ल सुखमय दाम्पत्य जीवन के आशीर्वाद दीन
दंतेवाड़ा: शासन कोति ले निर्धन परिवार मन के बेटी मन के बिहाव संपन्न कर अपन सामाजिक दायित्व के निर्वहन करत हे। अइसन सामूहिक विवाह आयोजन ले न केवल फिजूलखर्च ल रोके म मदद मिलथे, भलुक दहेजप्रथा जइसे बुराइ मन ले घलोक बांचे जा सकत हे। ये बात जिला पंचायत अध्यक्ष श्रीमती कमला नाग ह जिला के गीदम ब्लॉक अंतर्गत नागफनी म मुख्यमंत्री कन्या विवाह योजनांतर्गत सामूहिक विवाह कार्यक्रम म नवविवाहित दम्पति मन ल सुखमय दाम्पत्य जीवन के आशीर्वाद देवत कहिन।
ए अवसर म जिला के जनप्रतिनिधि मन अऊ अधिकारी मन ह 125 जोड़ा नवविवाहित वर-वधु मन ल सुखमय दाम्पत्य जीवन के आशीर्वाद दीन।ए मौका म कलेक्टर टोपेश्वर वर्मा ह नवविवाहित दम्पति मन ल शासन के जनहितकारी योजना मन ले लाभान्वित होके विकास के तरफ अग्रसर होए के आव्हान करिन। उन्हें ए दम्पति मन ल हरेक निर्वाचन म मतदान करे के अपील करत जागरूक मतदाता के भूमिका निभाये म बल दीन।
पुलिस अधीक्षक डॉ अभिषेक पल्लव ह नवविवाहित दम्पति मन ल सुखमय जीवन यापन करे के आशीर्वाद देवत कहिन के शासन आम जनता बर बहुत अकन योजना संचालित करत हे, ए योजना मन ले लाभान्वित होके विकास के तरफ अग्रसर होवंय। स्वरोजगार योजना मन के लाभ लेके आत्मनिर्भरता कोति कदम बढ़ावंय।
Other Articles
दुनिया को झुकाने की ताकत रखथे भारत : बृजमोहन
