जय जोहार …. (chhattisgarh) मुख्यमंत्री भूपेश बघेल ह आज राष्ट्रपिता महात्मा गाँधी के जयंती के अवसर म राजधानी रईपुर के चौबे कॉलोनी म मायाराम सुरजन शासकीय कन्या उच्चत्तर माध्यमिक विद्यालय म आयोजित कारीकरम म सामिल होइन हे । मुख्यमंत्री बघेल ह किहीन कि ए कन्या उच्चत्तर माध्यमिक विद्यालय ल स्वामी आत्मानंद अंग्रेजी माध्यम स्कूल के तर्ज म सर्वसुविधा युक्त स्कूल के रूप म विकसित करे जाही । ये स्कूल हिन्दी माध्यम के प्रदेस के पहला स्वामी आत्मानंद हिन्दी माध्यम स्कूल होही ।
मुख्यमंत्री बघेल ह ए विद्यालय के छात्रा मन ल बापू की आत्मकथा ’सत्य के साथ मेरे प्रयोग’ पुस्तक के वितरण कराय के घोसना घलो करीन। (chhattisgarh) मुख्यमंत्री बघेल ह स्वामी आत्मानंद स्कूल के लईका मन के मौलिक रचना म केन्द्रित अउ एससीईआरटी डहार ले प्रकासित ’सेजेश रेन्बो’ पुस्तक के विमोचन करीन।
सीएम ह गोदना कला, पारंपरिक खिलौना निर्माण समेत दूसर काम म अपन प्रतिभा के उत्कृष्ट प्रदर्सन करइया छात्रा मन ल पुरस्कृत करीन। (chhattisgarh) ए अवसर म कृषि मंत्री रविन्द्र चौबे, स्कूल शिक्षा मंत्री डॉ. प्रेमसाय सिंह टेकाम, स्कूल शिक्षा सचिव डॉ. कमलप्रीत सिंह, कलेक्टर रईपुर सौरभ कुमार घलो उपस्थित रिहीन ।
No Comment! Be the first one.