Raipur : महापौर एजाज ढेबर ह पेश करीन 1475 करोड़ रुपिया के बजट, पढ़व
जय जोहार। (Raipur ) छत्तीसगढ़ के राजधानी रायपुर नगर निगम (Raipur Municipal Corporation) के बजट ल आज महापौर एजाज ढेबर ह पेश करीन हे । बीते दो बछर ले निगम के बजट (Budget) पेश नई हो पात रिहीन, लेकिन ए घांव सदन म महापौर ह 1475 करोड़ के बजट पेश करे हे। ए बीच विपक्ष के सदस्य मन ह यूजर चार्ज समेत कई ठीन मसला म हंगामा करीन अउ बजट ल लेके विरोध प्रदर्शन करत रिहीन।
महापौर ढेबर ह अपन बजट भाषण (Budget Speech) म किहीन कि रायपुर (Raipur )अभी थ्री स्टार रेटिंग म हे , देश के 6 सर्वश्रेष्ठ शहर म शुमार हे , जेला नंबर एक म लाय बर कड़ा मेहनत के आवश्यकता हे। महापौर ह किहीन कि जेन गति ले ओखर शहरी सरकार काम करत हे, निश्चित तौर म सफलता हासिल होगी।
मुख्यमंत्री भूपेश बघेल ह (CM Bhupesh Baghel) राज्य के बजट ल 9 मार्च के पेश करे रिहीन। सीएम ह सदन म गोबर ले बने ब्रिफकेस (Cow Dung Briefcase) लेके पहुंचे रिहीन , जेमा लिखे रिहीन ‘गोमय वसते लक्ष्मी’। आज (Raipur ) मेयर ढेबर ह (Mayor Dhebar) घलो उही अंदाज म गोबर के ब्रिफकेस लेके सदन पहुंचीन अउ अपन बजट भाषण पढ़ीन।
