महासमुंद के दिव्यांग तोरण यादव ह यूरोप म लहरईस देश के परचम, अंतरराष्ट्रीय योग महोत्सव म जीतिन हे तीन रजत पदक

रायपुर। महासमुंद जिले के खट्टी गांव के रहवइया दिव्यांग तोरण यादव ह प्रदेश के संग देश के भी नाम विदेश में रोशन करिन हे। पैरा-एथलीट तोरण ह यूरोप म चौथा विश्व वेल्थ योग महोत्सव अउ चैम्पियनशिप म भारत के प्रतिनिधित्व करिन अउ उंहा तीन रजत पदक जीतिस हे।तोरण ह एखर श्रेय अपन मां-बाप अउ गुरूजन ल दीन अउ वो ह योग में ही अपन भविष्य बनाना चाहत हे।

पदक जीते के बाद खुशी जाहिर करत वोहर कहिन कि भारत के प्रतिनिधित्व करे के बाद मोला बहुत गर्व महसूस होवत हे। में ह भविष्य में योग क्षेत्र म कुछ करना चाहत हंव। तोरण ह बचपन ले ही दिव्यांग हे, फेर वो ह येला कभी अपन कमजोरी बनन नई दिस। तोरण के मन म शुरू ले ही कुछ करे के इच्छा रहीस, जेखर बर तोरण ह 9 साल के उमर ले ही योग करे बर शुरू कर दे रिहिन। ये मेहनत ह रंग लईस अउ ओखर चयन चौथा वर्ल्ड योग फेस्टिवल एण्ड चैंपियनशिप 2019 म टीम इंडिया के प्रतिनिधित्व करे बर करे गिस।