mahasamund मेडिकल कॉलेज ल मिलीन हे एनएमसी ले मान्यता, इही सत्र ले होही पढ़ाई सुरु

जय जोहार । महासमुंद मेडिकल कॉलेज ल 100 सीट बर नेसनल मेडिकल कमीसन (एनएमसी) ले मान्यता मिल गेहे । इही सत्र ले इहां मेडिकल कॉलेज के पढ़ाई सुरु हो जाही ।

29 जुलाई के एनएमसी के मेडिकल असेसमेंट एंड रेटिंग बोर्ड ह महासमुंद मेडिकल कॉलेज ल सैक्षणिक सत्र 2022-23 बर 100 सीट बर आसय पत्र जारी कर देहे । बतावत जात हे कि प्रदेस म सरकारी मेडिकल कॉलेज म एमबीबीएस के सीट म बढ़ोतरी होय ले मेडिकल के सिक्षा के संग ही मरीज ल अत्याधुनिक चिकित्सा सुविधा के लाभ मिल सकही ।

महासमुंद मेडिकल कॉलेज ल मान्यता के बाद प्रदेस म सरकारी मेडिकल कॉलेज के संख्या बढ़के 8 हो गेहे । अभी रायपुर, बिलासपुर, रायगढ़, अंबिकापुर, राजनांदगांव, जगदलपुर अउ कांकेर के सरकारी मेडिकल कॉलेज म पढ़ाई होत हे ।