मौसम विभाग ह करिन यलो अलर्ट जारी, गर्म हवा के संग लू चले के संभावना
जय जोहार…. सोमवार ले नौतपा के शुरूआत हो गे हे। आज नौतपा के दूसर दिन हे। मौसम विभाग ह रायपुर के अधिकतम तापमान ल 45.4 के पार पहुंचे के संभावना जताय हे। ऊहचे रायपुर, दुर्ग अऊ बिलासपुर संभाग बर यलो अलर्ट जारी करे हे। मौसम विभाग ह प्रदेश भर म लू चले के सेति दोपहर 12 बजे ले शाम पांच तक घर म रहे के अपील करे हे। आज रायपुर के तापमान ह 45.4 डिग्री रहे के संभावना हे। न्यूनतम तापमान 30.8 डिग्री जगदलपुर म दर्ज करे गे हे। संगेसंग गर्म हवा के संग लू चले के संभावना हे।
मौसम वैज्ञानिक ह बताइस कि फालतू घर ले बाहर न निकले अऊ दोपहर के बेरा घर ले बाहर निकलथे, त पूरा शरीर ल ढंक के निकले। थोड़कीन बेरा म पानी के सेवन करत रहे। यदि कोनाे जियादा मेहनतकश व्यक्ति हे, त वो हा बिना कुछु खाय काम सुरू न करे।
