रायपुर। पेण्ड्रा के गौरेला म गर्मी के छुट्टी म घलो स्कूली छात्र-छात्रा मन ले साफ-सफाई के काम करवाए के ममला आगु आइस हे। सूखाग्रस्त इलाका म राहत दे बर स्कूल म गर्मी म घलो मध्यान्ह भोजन दे के निर्देस हे, जेकर बर पहिली पाली म स्कूल खोले जाथे। एमा एक शिक्षिका अऊ स्कूल स्टॉफ के ड्यूटी घलो होथे। उहें गौरेला के हरिपुर सासकीय पूर्व माध्यमिक स्कुल म सिक्षिका अऊ स्टॉफ मन स्कूल के चाबी लइका मन ल दे देहें। जउन मन बिहनिया जल्दी आके पहिली स्कूल के साफ-सफाई करथें, ओकर बाद सिक्षिका अऊ बाकी स्टॉफ स्कूल पहुंचथे। तब जाके ओमन ल मध्यान्ह भोजन मिलथे। कुछ अइसन ही मामला मरवाही म घलो आगु आइस हे जेमा लइका मन ले स्कुल के काम कराए जाथे। उहें बेभागीय अधिकारी मन जांच करके कार्रवाई करे के बात कहत हे।
