प्रवासी मजदूर मन ल रायपुर ले ट्रक अऊ बस ले भेजे जावत हे घर, कलेक्टर, आईजी अऊ एसएसपी ह लिन व्यवस्था के जायजा

जय जोहार…. देशभर ले राजधानी के टाटीबंध चौक म प्रवासी मजदूर मन के आये के सिलसिला ह जारी हे। जे मन ल जिला प्रशासन अऊ पुलिस के अधिकारी-कर्मचारी ह ओखर घर भेजत हे। इहां ले ट्रक अऊ अन्य साधन ले मजदूर मन ल रवाना करे जावत हे।

पुलिस महानिरीक्षक रायपुर डॉ. आनंद छाबड़ा, एसएसपी आरिफ शेख अऊ कलेक्टर भारतीदासन ह टाटीबंध म श्रमिक मन ल रायपुर ले राज्य के सीमा ले बाहर भेजे के व्यवस्था के जायजा लिन। व्यवस्था सुधार बर निर्देश घलो दे गिस। एखर संगेसंग व्यवस्था म सहयोग करत खालसा रिलीफ फंड, राधास्वामी ट्रस्ट, अक्षय पात्र अऊ अन्य स्वयं सेवी संस्थान ल धन्यवाद दिन अऊ व्यवस्था म लगिन पुलिस कर्मी, परिवहन विभाग अऊ निगम के उत्साहवर्धन करिन।