केरल ले छत्तीसगढ़ पहुंचिस प्रवासी मजदूर, सेनिटाइज कर भेजे गिस क्वारेंटाइन सेंटर

जय जोहार…. केरल के तिरुवंतपुरम ले आज छत्तीसगढ़ के सैकड़ों प्रवासी मजदूर मन ह स्पेशल ट्रेन ले अम्बिकापुर पहुंचे हे। सरगुजा संभाग के करीब नौ सौ मजदूर मन ल आय ल रहिस, लेकिन सिरिफ 513 मजदूर ह पहुंच सके हे। जेमा जशपुर जिला के 429, बलरामपुर जिला के 74 अऊ सरगुजा जिला के 10 मजदूर शामिल हे।

सब्बो मजदूर मन ल अम्बिकापुर रेलवे स्टेशन पहुंचे के बाद सेनेटाइज करे गिस। सब्बो मजदूर मन ल संबंधित स्थान पर ओखर अऊ जिला अऊ ब्लाक म बने हुये क्वारेंटाइन सेंटर म भेजे गिस। 14 दिन के बाद ओ मन ल ओखर घर भेजे जाही।