Chhattisgarh म बनही देस के मिलेट हब, कोदो, कुटकी अउ रागी के उत्पादकता बढ़ाय बर आईआईएमआर हैदराबाद अउ 14 जिला के संग होय हे एमओयू

जय जोहार…. प्रदेस (Chhattisgarh) म देस के मिलेट हब बनही। मुख्यमंत्री भूपेश बघेल के उपस्थिति म कोदो, कुटकी अउ रागी के उत्पादकता ल बढ़ाय बर इंडियन इंस्टिट्यूट ऑफ मिलेट रिसर्च हैदराबाद अउ 14 जिला के संग एमओयू होय हे।

आईआईएमआर ह मिलेट उत्पादन ल बढ़ाय बर छत्तीसगढ़ के किसान मन ल तकनीकी जानकारी, उच्च क्वालिटी के बीज, सीड बैंक के स्थापना म मदद अउ प्रसिक्षण देही

(Chhattisgarh) मिलेट उत्पादन बढ़ाय बर राज्य सरकार ह उपज के सही भाव अउ आदान सहायता दे के संग समर्थन मूल्य म खरीदी, प्रोसेसिंग अउ मार्केटिंग के पहल करे हे। मिलेट के प्रसंस्करण अउ वेल्यूएडिशन ले किसान, महिला समूह अउ युवा मन ल रोजगार मिलही । छत्तीसगढ़ के 20 जिला के 85 विकासखण्ड म मिलेट के उत्पादन होवत हे।

(Chhattisgarh) पहिला चरण म 14 जिला कांकेर, कोण्डागांव, बस्तर, दंतेवाड़ा, बीजापुर, सुकमा, नारायणपुर, राजनांदगांव, कवर्धा, गौरेला-पेण्ड्रा-मरवाही, बलरामपुर, कोरिया, जशपुर अउ सूरजपुर जिला के संग एमओयू करे गेहे। मिलेट मिसन म अवइया 5 बछर म 170 करोड़ 30 लाख रुपिया खर्च करे जाही।