जय जोहार कोरिया…. जिला के बरतुंगा हिल माइन्स म नोवल कोरोना वायरस के संक्रमण ल देखत हुए फूल सेनेटाइजर उपक्रम लगाए गे हे। जेला माइन्स म कार्यरत कर्मचारी मन ह बनाए हे। कोरोना के जंग म ए मशीन ह कारगर साबित होही।
बतावत जात हे कि बरतुंगा हिल माइन्स के प्रबंधक अभिजीत तरफदार ह संक्रमण ले रोकथाम बर कर्मचारी मन के संग मिल के ए अंजाम दिस। एखर बर सेनिटाइजर मशीन ल हिल माइन्स के वेलकम बोर्ड के पास लगाए गिस। क्योंकि इही गेट ले सबो कर्मचारी अऊ अधिकारी मन के अंदर एंट्री होवत हे। जेखर ले माइन्स के कर्मचारी अऊ अधिकारी मन ह ए भयावह महामारी के संक्रमण ले दूर रह सके।
ए मशीन ले पूरा शरीर ह सेनिटाइज होत हे। खदान म घुसे ले पहिली अऊ खदान ले निकल के घर जाए के वक्त मशीन ले सेनिटाइज करे जात हे। अभी एक ही माइन्स म सेनेटाइजर उपक्रम लगाए गे हे। लेकिन अब एला चिरमिरी के अऊ माइन्स म लगाए के तैयारी चलत हे।
No Comment! Be the first one.