बने खबर.. छत्तीसगढ़ी सिनेमा ल मिलिस प्रदर्शन के अऊ एक माध्यम , मिनी टाकिज एप्प

जय जोहार रायपुर…छत्तीसगढ़ी सिनेमा अभी तक सिनेमाघर के कमी ले जूझत हे , अइसे में एक बने खबर आवत हे , इन्हा एक भारतीय एप्प बनाय गे हे जेमा कोनो भी अपन छत्तीसगढ़ी फिलिम ल सशर्त अपलोड करा सकत हे, जेखर बर कुछ प्रक्रिया होही , जानकारी के अनुसार परन दिन नवा रायपुर म मोहन सुन्दरानी ह ए एप्प अऊ कार्यालय के उदघाटन करिस हे , मिनी टाकिज के नाम से संचालित ये एप्प म बीस रुपिया रोज खर्च करके दर्शक मन एक फिलिम के मजा २४ घंटा तक ले सकथे ,

एस. के. प्रोडक्शन द्वारा ये एप्प संचालित करे जाहि , एखर ले जुड़े शब्बीर भाई ह किहिस कि पहिली एप्प बनाना हमर प्राथमिकता रिहिस जेन ह बन गे हे अब पूरा राज्य के निर्माता मन संग बैठक कर के ओमन ल जानकारी दे जाहि , बता दन कि अभी लॉक डाउन के कारण सब्बो सिनेमाघर अऊ मॉल मन बंद हे जेखर कारण बड़े बड़े फिलिम मन सोशल मीडिया के प्लेटफार्म म रिलीज होवत हे अऊ बने कमाई करत हे , ये एप्प घलो छत्तीसगढ़ी सिनेमा बर एक कमाई के जरिया बन सकथे .