Raipur: नवा रायपुर म मंत्री मोहम्मद अकबर ह करिन आवासीय भूखण्ड परियोजना के सुभारंभ, पढ़व पूरा खबर

जय जोहार…. (Raipur) नवा रायपुर म तेजी ले बसाहट बर शुक्रवार के पर्यावरण मंत्री मोहम्मद अकबर ह सेक्टर 17 म आवासीय भूखण्ड परियोजना के सुभारंभ करे हे। ए अवसर पर पर्यावरण मंत्री श्री अकबर ह कहिन कि ये परियोजना ह नवा रायपुर म बसाहट बढ़ाये के कवायद म महत्वपूर्ण साबित होही।

(Raipur) प्राधिकारण के अधिकारी मन ह बताईस कि नवा रायपुर अटल नगर के सेक्टर 17 म 1800 से 8000 वर्गफीट के भूखण्ड के लीज म आबंटन बर आज निविदा जारी करे गे हे। सेक्टर 17 म आफसेट प्रीमियर दर 1455 रुपया प्रति वर्गफीट निर्धारित करे गे हे। ये दर म सबो चरण म निविदा ल आमंत्रित करे जाही।

प्राधिकरण के तरफ ले 3 साल म प्लाट लेवल तक अधोसंरचना विकसित करे जाही, जेखर बाद 5 साल म आबंटित मन ल निर्माण कार्य ल पूरा करना होही। (Raipur) एमा पहला चरण के निविदा प्राप्त करे के आखिरी तारीख 22 मार्च निर्धारित करे गे हे।