Raipur: मंत्री शिवकुमार डहरिया ह रायपुर म चलत निर्माण कार्य के करिन निरीक्षण, पढ़ो पूरा खबर

जय जोहार…. (Raipur) प्रदेश के मंत्री शिवकुमार डहरिया ह आज राजधानी रायपुर म चलत निर्माण कार्य के जायजा ले हे। मंत्री डहरिया ह शहीद स्मारक भवन, जय स्तंभ चौक अऊ जवाहर बाजार म निर्माण कार्य के निरीक्षण करिन।

(Raipur) सिटी कोतवाली के पास बनाय जावत पुलिस कार्यालय, तालाब सौंदर्यीकरण, नवा बस स्टैंड मोतीबाग अऊ मल्टी लेवल पार्किंग के घलो निरीक्षण करिन। मंत्री डहरिया के संग महापौर एजाज ढेबर अऊ नगर निगम के आन अधिकारी ह मौजूद रिहिन।

मंत्री डहरिया ह कहिन कि नगर निगम के तरफ ले विकास के काम करे जावत हे। जइसनहे प्राइवेट स्कूल हे, ओखर ले जादा बेहतर हमन सरकारी स्कूल ल बनाही। सीएम भूपेश बघेल के निर्देश हे कि अच्छा शिक्षा दे बर प्राइवेट स्कूल अऊ कालेज हे। (Raipur) वइसनहे व्यवस्था सरकारी स्कूल म घलो हो। नगर निगम म अऊ घलो अईसे काम हे, जेखर आज निरीक्षण करिन।