मंत्री डहरिया ह करिन डबरीपारा तालाब अउ मुक्तिधाम कार्य के निरीक्षण

जय जोहार…. नगरीय प्रशासन मंत्री डॉ. शिवकुमार डहरिया ह सनिच्चर के रायपुर के गुरु घासीदास वार्ड के डबरीपारा तालाब के निरीक्षण करे हे। ए दौरान मंत्री डहरिया ह अधिकारी मन ल तालाब गहरीकरण, सौंदर्यीकरण अउ मुक्तिधाम के कार्य म गति ला के पूरा करे के निर्देश दे हे।
ए अवसर म जोन-9 के कमिश्नर अरुण साहू ह मंत्री डहरिया ल बताइस कि नगर निगम के तरफ ले डबरीपारा तालाब के विकास अउ सौंदर्यीकरण बर 112 परिवार मन ल लाभांडी के एएचपी आवासीय परिसर के रिक्त मकान म व्यवस्थापन दे जा चुके हे। एखर बाद बाद मकान ल तोड़ के तालाब एरिया के सौंदर्यीकरण करे बर पूरा हटाये जा चुके हे। जेखर बाद रायपुर स्मार्ट सिटी लिमिटेड के तरफ ले डबरीपारा तालाब के गहरीकरण कार्य ल सुरू करे जा चुके हे।