Raipur : नगरीय प्रसासन मंत्री ह समोदा म 3.41 करोड़ रुपिया के विकास काम के दीन सौगात
जय जोहार। (Raipur) नगरीय प्रसासन अउ श्रम मंत्री डॉ. शिवकुमार डहरिया ह रईपुर जिला के नगर पंचायत समोदा म करीबन तीन करोड़ 41 लाख 92 हजार रुपिया के आने आने विकास अउ निर्माण काम के भूमिपूजन अउ लोकार्पण करीन। एमा दो करोड़ 94 लाख के लागत के नौ ठीन काम के भूमिपूजन अउ 46 लाख 30 हजार रुपिया के पांच ठीन काम के लोकार्पण सामिल हे ।
ए अवसर म मंत्री डॉ. डहरिया ह किहीन कि प्रदेस के सबो नगरीय अउ ग्रामीण क्षेत्र म मनखे मन के सुविधा बर सबो जरूरी निर्माण अउ विकास के काम कराय जात हे। छात्र मन के बेहतर सिक्षा प्रदान करे ल स्वामी आत्मानंद स्कूल खोले जात हे । प्रदेस के सबो नागरिक ल सार्वजनिक वितरण प्रणाली ले रासन मिले, एखर बर सबो के परिवारों के रासन कार्ड बनाय जात हे । वो हा बताइन कि समोदा नगर पंचायत बन जाय ले अब सबो नागरिक सुविधा इहां उपलब्ध होही । ए अवसर म खिलेश देवांगन, कोमल साहू, आजूराम वंशे समेत क्षेत्रीय जनप्रतिनिधि अउ बड़का संख्या म नागरिक उपस्थित रिहीन ।
