chhattisgarh : श्रम मंत्री डॉ. शिवकुमार डहरिया ह आरंग म करीन 10 करोड़ रुपिया के विकास काम के लोकार्पण अउ भूमिपूजन
जय जोहार…. (chhattisgarh) नगरीय प्रसासन अउ श्रम मंत्री डॉ.शिवकुमार डहरिया ह आरंग विधानसभा म करीबन 10 करोड़ रुपिया के आने आने विकास काम के लोकार्पण अउ भूमिपूजन करीन।
ए अवसर म (chhattisgarh) मंत्री डॉ. डहरिया किहीन कि मनखे मन के आकांक्षा अउ उम्मीद ल छत्तीसगढ़ के सरकार ह पूरा करत हे। गाँव, गरीब किसान अउ मजदूर मन के हित म सरकार डहार ले सरलग कदम उठाए जावत हे। प्रदेस म विकास काम के सिलसिला सरलग चलत हे। आरंग विधानसभा क्षेत्र म विगत अढ़ई बछर म अरबों रुपिया के विकास काम के स्वीकृति मिले हे। कुछु काम पूरा अउ बहुत ले काम कुछु माह के भीतर पूरा होवइया हे।
ए अवसर म (chhattisgarh) नगर पालिका परिषद अध्यक्ष चंद्रशेखर चंद्राकर, जनपद अध्यक्ष खिलेश्वर देवांगन,समोदा नगर पंचायत के अध्यक्ष आजुराम वंशे, पार्षद धनेश्वरी खिलावन निषाद, कोमल साहू, पार्षद, एल्डरमैन अउ जनप्रतिनिधि उपस्थित रिहीन ।
