आंगनबाड़ी कार्यकर्ता मन के मंत्री भेड़िया ह ले हे सुध, 50 दिन के हड़ताल के वेतन दिलाय ल सीएम बघेल ल लिखिन चिट्‌ठी

जय जोहार…. कोरोना काल म काम करत आंगनबाड़ी कार्यकर्ता मन के मंत्री अनिला भेड़िया ह सुध ले हे। आंगनबाड़ी कार्यकर्ता मन ह अपन मांग ल लेके 50 दिन के हड़ताल करे रहिस। ए दिन के वेतन दिलाय बर मंत्री भेड़िया ह सीएम भूपेश बघेल ल पत्र लिखे हे। वो हा कहिन कि कोरोना काल म जान जोखिम म डाल के काम करत हे, त ओखर इनाम मिले ल चाही। एखर संग कुपोसण ले जंग जारी हे। सुपोसण अभियान म विशेष धियान दे जावत हे। पिछिले छह महिने म कुपोसण के दर ह छह प्रतिशत गिरे हे।

मंत्री अनिला भेड़िया ह कहिन कि आज कोरोना काल म जरूरतमंद मन ल मदद के जरूरत हे। आंगनबाड़ी कार्यकर्ता मन के कुपोसण कम होय म योगदान हे। कोरोना काल म घलो सरलघा नियमित पोषण आहार ल घर-घर पहुंचावत हे। नतीजा ये रहे हे कि प्रदेश म कुपोसण दर ह छह प्रतिशत गिरे हे। अब राज्य म 41 प्रतिशत कुपोसण हे।