कांकेर. प्रदेश के लोक स्वास्थ्य यांत्रिकी, ग्रामोद्योग अउ जिला के प्रभारी मंत्री गुरू रूद्र कुमार ह रविवार के लखनपुरी के नवा बने गौठान के निरीक्षण करिन हे. वोहर गौठान म बनाए गे पानी टंकी, पशु ल चारा दे बर बनाए गे कोटना, जैविक खाद, फेसिंग तार बर महिला समूह के बनाए खंभा ल देखिन हे.
इही दउरान गौठान के पाछू म पौधा लगाए बर जगह अउ प्लांटेशन ले लाए पौधा के घलोक अवलोकन करिन हे. उंहे प्रभारी मंत्री गुरू रूद्र कुमार ह समूह के महिला मन ले मजदूरी के बारे म चरचा कर जानकारी लीन हे. इही दउरान प्रदेश के मुख्यमंत्री भूपेश बघेल के माता बिंदेश्वरी बघेल के निधन के सूचना अइस तांहा ले कार्यक्रम ल बीच में ही रोक के गौठान म मौजूद सबो जनसमूह ह ओखर आत्मा के शांति बर दू मिनट के मौनधारण कर श्रद्धांजली दिन हे.
ये मौका म भानुप्रतापपुर विधायक मनोज मण्डावी, कांकेर विधायक शिशुपाल शोरी, अंतागढ़ विधायक अनूप नाग, जिला पंचायत सदस्य बीरेश ठाकुर, जनपद पंचायत चारामा के अध्यक्ष उषा वट्टी, जनपद सदस्य विजय मण्डावी, सरपंच गढ़पिछवाड़ी तरेन्द्र भण्डारी, जिला पंचायत के मुख्य कार्यपालन अधिकारी डॉ. संजय कन्नौजे, एसडीएम कांकेर यू.एस. बंदे, कांकेर तहसीलदार मनोज मरकाम मौजूद रिहिन हे.
