chhollywood : प्रभात सिनेमा म मंत्री गुरू रूद्र कुमार ह छत्तीसगढ़ी फिलीम लव लेटर के करीन उद्धाटन
जय जोहार। (chhollywood ) छत्तीसगढ़ी फिलीम लव लेटर ह सबो सिनेमा घर म प्रदर्सित होइन। ए फिलीम ल देखे बर छत्तीसगढ़ के लोक स्वास्थ यांत्रिकी अउ ग्राम उद्योग मंत्री गुरु रुद्र कुमार, असंगठित कामगार एवं कर्मचारी कांग्रेस प्रदेस अध्यक्ष आलोक पांडे ह बिसेस रूप ले उपस्थित रिहीन।
ए दउरान मंत्री गुरु रुद्र कुमार ह रिबन काट के फिलीम के उद्घाटन करीन। ए फिलीम ल देखे के बाद मंत्री गुरु रुद्र कुमार ह फिलीम के कलाकार मन ले मुलाकात करीन अउ ओमन ल सुभकामना दीन। (chhollywood ) फिलीम के डिस्टिब्यूटर तरुण सोनी ह बताइन कि ए बछर के सबले बड़ा ओपनिंग फिलीम लव लेटर ल मिलत हे अउ आगू घलो ये फिलीम एक ठीन इतिहास बनाही।
(chhollywood ) फिलीम के मुहुर्त म योजना आयोग के गौरव द्विवेदी, फिलीम निर्माता अशोक तिवारी, अलख राय समेत फिलीम इंडस्ट्री कें मनखे उपस्थित रिहीन। संगेसंग फिलीम के निर्देसक उत्तम तिवारी, हीरो मन क़ुरैशी, हीरोइन सृष्टि तिवारी, निर्माता अमित जैन अउ तरुण सोनी, अभिषेक नत्थानी घलो उपस्थित रिहीन ।
