प्रभारी मंत्री ताम्रध्वज साहू ह संजीवनी एक्सप्रेस अउ पांच एम्बुलेंस ल हरी झण्डी दिखा के करिन रवाना

जय जोहार…. गरियाबन्द जिला के एक दिनी दौरा म आज प्रभारी मंत्री ताम्रध्वज साहू पहुंचिस। ए दौरान प्रभारी मंत्री ताम्रध्वज साहू ह जिला कार्यालय परिसर में एक संजीवनी 108 अउ पांच एम्बुलेंस ल हरी झण्डी दिखाकर रवाना करे हे।

ए अवसर म प्रभारी मंत्री साहू ह कहिन कि अब जिला के स्वास्थ्य व्यवस्था ह मजबूत होही। जिला के ग्रामीण क्षेत्र म स्वास्थ्य सुविधा के विस्तार अउ पहुंच म तेजी आही। स्वास्थ्य विभाग के सीएमएचओ ह बताइस कि संजीवनी 108 एक्सप्रेस राज्य शासन के तरफ ले जिला चिकित्सालय गरियाबन्द बर प्राप्त होय हे।

अब जिला मुख्यालय म दू संजीवनी 108 उपलब्ध हो गे हे। उहचे प्रभारी मंत्री के अनुशंसा म जिला खनिज न्यास निधि ले जिला बर पांच एम्बुलेंस उपलब्ध कराय गे हे।

ए अवसर म राजिम विधायक अमितेश शुक्ल, कलेक्टर छतर सिंह डेहरे, पुलिस अधीक्षक भोजराम पटेल, जिला पंचायत सीईओ विनय लंगेह समेत स्वास्थ्य विभाग के अधिकारी ह मौजूद रिहिस।