Minister in charge कवासी लखमा 20 जुलाई के रही धमतरी जिला के प्रवास म

जय जोहार…. प्रदेश के आबकारी, वाणिज्य अउ धमतरी जिला के प्रभारी मंत्री (Minister in charge) कवासी लकमा ह अवइया 20 जुलाई के जिला के प्रवास म रही।

कैबिनेट मंत्री लखमा ह बिहनिया 11 बजे कार ले रायपुर ले रवाना हो के दोपहर 12 बजे कुरुद विकासखण्ड के ग्राम पंचायत हंचलपुर पहुंचही। इहां गोधन न्याय योजना के शुभारंभ करही।

प्रभारी मंत्री (Minister in charge) कवासी लखमा ह दोपहर दू बजे ग्राम गुजरा म हरित सरोवर पौधरोपण म हिस्सा लेही। एखर बाद ग्राम मंडेली म दोपहर तीन बजे आयोजित पौधरोपण कार्यक्रम म शामिल होही।

प्रभारी मंत्री (Minister in charge) कवासी लखमा ह शाम चार बजे ग्राम पंचायत कचना म समरसता भवन के लोकार्पण करही। एखर बाद शाम पांच बजे ग्राम पंचायत संतरी म गौठान के लोकार्पण करही।

मंत्री लखमा ह शाम 6 बजे रायपुर बर रवाना होही।