‘बैदू ल टिकट दे के खत्म कर दिस लोकसभा चुनाव के मजा’

भाजपा के प्रत्याशी चयन म बोलिस मंत्री लखमा

सुकमा. छत्तीसगढ़ के आबकारी व उद्योग मंत्री कवासी लखमा ह भाजपा के टिकट वितरन ल लेके कहिन के, विधानसभा के करारी हार ले भाजपा भयभीत हे, बैदू कश्यप ल टिकट दे के भाजपा ह लोकसभा के चुनाव के मजा खत्म कर दिस. अब कांग्रेस भारी मत ले एक तरफा चुनाव म जीत हासिल करही.

कवासी लखमा ह पत्रकार मन ले चर्चा करत हुए कहिन के, उमन पहिली ही हमार विधायक ले चुनाव हार चुके हे, ओला लोकसभा के टिकट दे के भाजपा ह हथियार डाल दिस हे. बस्तर म कांग्रेस 2 लाख वोट ले जीतइया हे. एखर संग ही बलिराम कश्यप के परिवार के अनदेखी म अफसोस जतात हुए कहिन के, जे पाछू दू बार ले बस्तर सांसद रहे ओला टिकट ना देना अउ बस्तर भाजपा के बड़का नाम केदार कश्यप , महेश गागड़ा, लता उसेंडी ल टिकट ना दे के बैदू कश्यप ल टिकट दे के लोकसभा के चुनाव के मजा खत्म कर दिस. अब कांग्रेस भारी मत मन ले एक तरफा चुनाव म जीत हासिल करही. विधानसभा चुनाव ले भयभीत भाजपा लोकसभा म घलो 11 सीट हार ही.

उमन कहिन के, विधानसभा के करारी हार ले भाजपा भयभीत हे एखर सेती जीतइया सांसद ल टिकट नई दे के उमन टिकट देय जात हे, जेला क्षेत्र म कोनो पहिचानत गलो नइए. एखर ले साफ पता चलते हे के भूपेश सरकार के आघू भाजपा डरे हुए हे.