मंत्री अनिला भेंड़िया ह करिन बालोद के होनहार छात्र ल सम्मानित
जय जोहार…. नगर के छात्र सायुज्य टावरी ह बारहवीं बोर्ड के परीक्षा म 92 प्रतिशत अंक ले के बालोद जिला म प्रथम स्थान प्राप्त करे हे। ए उपलब्धि म छत्तीसगढ़ सरकार म मंत्री अनिला भेंड़िया के तरफ ले होनहार छात्र सायुज्य टावरी के सम्मान करे गे हे।
गौरतलब हे कि सेन्ट कबीर स्कूल, बालोद के छात्र सायुज्य ह एकाउंट विषय म पूरा 100 अंक हासिल करे हे। सायुज्य ह दसवीं बोर्ड परीक्षा म घलो 96 प्रतिशत अंक हासिल कर बालोद जिला म प्रथम स्थान म रहे रिहिस।
सायुज्य के ए उपलब्धि म ओखर परिजन, इष्टमित्र समेत माहेश्वरी समाज बालोद के अध्यक्ष स्वरूप राठी, चेम्बर ऑफ कामर्स के अध्यक्ष ताराचंद सांखला, एलपीजी फेडरेशन के अध्यक्ष सुभाष जायसवाल, राइस मिल एसोसिएशन के अध्यक्ष मोहनभाई पटेल, संजय दुबे, धर्मेंद्र टावरी, मछु मंत्री, श्रवण टावरी, राजकुमार टुवानी, डॉ. प्रदीप जैन, राजकुमार जैन, संजय चौधरी, धर्मेंद्र वर्मा, अब्राहम जोसफ, भवानीशंकर अग्रवाल ह बधाई दे हे।
