जय जोहार। (Raipur) स्कूल शिक्षा मंत्री डॉ. प्रेमसाय सिंह टेकाम ह मंगलवार के छत्तीसगढ़ म देस के पहला एआईसीटीई आईडिया लैब के उद्घाटन करीन । श्री शंकराचार्य इंस्टीट्यूट ऑफ प्रोफेशनल मैनेजमेंट एण्ड टेक्नोलॉजी कॉलेज रईपुर ह देस के पहला कॉलेज है, जिहां अखिल भारतीय तकनीकी शिक्षा परिसद (एआईसीटीई) आईडिया लैब प्रारंभ होय हे । ए लैब के स्थापना ले छात्र मन ल रिसर्च अउ इनोवेसन बर बेहतरीन सुविधा उपलब्ध होही।
उल्लेखनीय हे कि एआईसीटीई ह रईपुर (Raipur) स्थित शंकराचार्य कॉलेज ल आईडिया लैब स्थापित करे बर चुने हे। पूरा देस ले कई ठीन इंजीनियरिंग कॉलेज ह आवेदन करे रिहीन, जेमा ले 49 कॉलेज ल सिलेक्ट करे गीन। एमा ले एक ठीन रईपुर के शंकराचार्य इंजीनियरिंग कॉलेज घलो हे ।
ए अवसर म (Raipur) प्राचार्य आलोक जैन, प्रो. अतुल चक्रवर्ती, डॉ. जे.पी. पात्रा, पंकज यादव अउ आईडिया लैब बनइया पूरा टीम के सदस्य मन उपस्थित रिहीन ।
