chhattisgarh : मंत्री शिवकुमार डहरिया ह आरंग म 65 लाख रुपिया के विकास काम के दीन सौगात, पढव

जय जोहार…. (chhattisgarh) नगरीय प्रसासन अउ विकास मंत्री डॉ. शिवकुमार डहरिया ह आरंग प्रवास के दौरान वार्ड 13 म करीबन 23.50 लाख रुपिया के लागत ले निर्मित देवांगन समाज के सामुदायिक भवन के लोकार्पण करीन । ए अवसर म वो हा भवन की बाउंड्रीवॉल बर 10 लाख रुपिया अउ लाईट-शौचालय बर चार लाख रुपिया स्वीकृत करे के घोसना करीन। अइसने आरंग के नगर पालिका क्षेत्र म स्ट्रीट लाईट बर 18 लाख रुपिया स्वीकृत करे के घोसना करीन ।

मंत्री डॉ. डहरिया आरंग म हरदिहा पटेल (मरार) समाज रायपुर राज के मां शाकम्भरी महोत्सव म सामिल होइन । (chhattisgarh) वो हा समाज के समाज दर्पण पत्रिका के विमोचन करीन अउ समाज संगठन के कार्यकारिणी के शपथ ग्रहण समारोह म सामिल होइन हे । वो हा मरार समाज भवन के आहाता निर्माण बर 10 लाख रुपिया स्वीकृत करे के घोसना करीन।

मंत्री डॉ. डहरिया ह किहीन कि (chhattisgarh) मुख्यमंत्री भूपेश बघेल के मार्गदर्सन में सरकार ह सबो वर्ग के विकास बर काम करत हे । गांव अउ सहर म सबो मूलभूत सुविधा के बढ़ोत्तरी करे जावत हे । वो हा किहीन कि किसान मन ल राजीव गांधी किसान न्याय योजना समेत दुसरइया योजना ले फायदा दे जात हे।

कारीकरम म शाकम्भरी बोर्ड के अध्यक्ष रामकुमार पटेल, नगर पालिका आरंग अध्यक्ष चन्द्रशेखर चन्द्राकर, जनपद अध्यक्ष आरंग खिलेश्वर देवांगन, कोमल साहू, भारती देवांगन उपस्थित रिहीन ।