भूमिपूजन अउ लोकार्पण कार्यक्रम शामिल होइन मंत्री टंक राम वर्मा, कहिन- आमजन के विकास बर काम करत हे सरकार 

रायपुर। छत्तीसगढ़ सरकार म राजस्व मंत्री टंक राम वर्मा ह आज तिल्दा नेवरा नगर पालिका परिषद के विभिन्न विकास परियोजना के भूमिपूजन अउ लोकार्पण कार्यक्रम शामिल होइन। ए बेर ओमन ह बताइन कि ए समारोह म ओमन ह अधोसंरचना मद के अंतर्गत वित्तीय वर्ष 2024-25 म स्वीकृत 256.94 लाख रुपया अउ 15वां वित्त आयोग मद के अंतर्गत वित्तीय वर्ष 2024-25 के 358.43 लाख रुपये के विभिन्न कार्य के भूमि पूजन करिन। एखर संग राज्य प्रवर्तित योजना के अंतर्गत वार्ड क्रमांक-7 म 102.61 लाख रुपया ले जुना पैठू तालाब म सौंदर्यीकरण कार्य के लोकार्पण करिन।

उहें ओमन कहिन कि छत्तीसगढ़ के मुख्यमंत्री विष्णु देव साय के नेतृत्व म राज्य सरकार गरीब मन के जीवन स्तर ल सुधारे बर अउ भ्रष्टाचार ल खत्म करे बर सकारात्मक कदम उठाथे हें। जेखर चलत महतारी वंदन योजना के माध्यम ले  महिला मन के आर्थिक स्थिति म सुधार उखर आत्मसम्मान ल सुरक्षित करे गिस हे। उहें सरकार आमजन के हित ल घलो ध्यान रखत अनेक कल्याणकारी योजना चलावत हे। ए  अवसर म नगर पालिका अध्यक्ष लेमीक्षा गुरु डहरिया, अउ अन्य जनप्रतिनिधी मन सहित बड़का संख्या म नगरवासी उपस्थित रिहीन।