मंत्री ताम्रध्वज साहू ह देखीस मन्दरा जी फिलिम,किहीस अईसे फिलिम ल टैक्स फ्री होना चाही

बुधवार के प्रदेश के गृह अउ पर्यटन मंत्री ताम्रध्वज साहू ह छत्तीसगढ़ी फिलिम मंदरा जी देखे बर गिस, देखे के बाद मंत्री ह फिलिम के तारीफ करीस अउ अभिनय बर कलाकार मन ला बधाई दिस। अपन व्यक्तिगत विचार व्यक्त करत हुए ताम्रध्वज साहू हा किहीस कि अईसे फिलिम ले छत्तीसगढ़ के पुरोधा मन ल आए वाला पीढ़ी जान पाहि अउ इहाँ के संस्कृति जिंदा रही। मंदरा जी फिलिम देखे बर मंत्री ह कलर्स मॉल पहुंचीस अउ किहीस कि सरकार अईसे फिलिम ल टैक्स फ्री करे बर कदम उठाही । ये मउका म फिलिम के कलाकार करण खान, ज्योति पटेल के संगे संग संतोष जैन , क्षमा निधि मिश्रा अउ निर्देशक विवेक सार्वा मौजूद रिहींन।