chhattisgarh : मंत्रालय अउ सबो विभागाध्यक्ष कार्यालय के काली ले 100 प्रतिसत उपस्थिति के संग होही संचालन, सामान्य प्रसासन विभाग ह जारी करीन निर्देस
जय जोहार । (chhattisgarh) मंत्रालय अउ सबो विभागाध्यक्ष कार्यालय के संचालन ह मंगलवार ले सबो श्रेणी के अधिकारी -कर्मचारी मन के सत-प्रतिसत उपस्थिति के संग होही। सामान्य प्रसासन विभाग डहार ले कोविड-19 की वर्तमान स्थिति ल धियान म रखत हुये आज मंत्रालय महानदी भवन ले ए आसय के निर्देस जारी कर दे गेहे । एखर पहले मंत्रालय अउ विभागाध्यक्ष कार्यालय म 50 प्रतिसत उपस्थिति के निर्देस दे रिहीन।
सामान्य प्रसासन विभाग डहार ले छत्तीसगढ़ (chhattisgarh) सासन के सबो विभाग के अपर मुख्य सचिव, प्रमुख सचिव, सचिव अउ सबो विभागाध्यक्ष ल जारी निर्देस म कहे गेहे कि कोविड-19 के वर्तमान स्थिति ल धियान म रखत हुये आम मनखे मन के काम के शीघ्र निराकरण बर मंत्रालय अउ सबो विभागाध्यक्ष कार्यालय म सासकीय काम संचालन बर मंगलवार 8 फरवरी ले सबो श्रेणी के अधिकारी अउ कर्मचारी मन के सत्-प्रतिसत उपस्थिति ल सुनिश्चित करे जाये।
सबो अधिकारी-कर्मचारी ह कोविड-19 संक्रमण के बचाव बर बेरा बेरा म जारी दिसा-निर्देस के अनिवार्य रूप ले पालन करे। (chhattisgarh) सबो अधिकारी-कर्मचारी मन ह कोविड-19 के संक्रमण के रोकथाम बर निर्धारित मापदण्ड जइसे – मास्क लगाना, एक-दूसर ले पर्याप्त दूरिया बनाय रखना, सेनिटाइजर के बेरा बेरा म उपयोग करे के आदि मापदण्ड के कड़ाई ले पालन करे।
