अपन आंखी के तारा ल खोवइया परिवार ह वास्तिका के आंखी ल दूसर के म रोशनी भरे बर कर दिस दान

धमतरी। लोगन मन म नेत्र दान के अलख जगाए बर हर स्तर म प्रयास करे जात हे। अउ सायद येखरे नतीजा हे कि धमतरी म एक छह साल के बच्ची के आकस्मिक मवउत के बाद परिजन मन ह ओखर आंखी ल दान करवाइस। ये वाकया होइस जिला के सिहावा रोड म मंगलवार के बिहनिया 9 बजे। कोलियारी गांव म एक सड़क हादसा म एक 6 बच्छर के नोनी के दर्दनाक मउवत हो गिस। उहें माता-पिता ह एक साहासिक निरनय लेवत हुए वास्तिका ध्रुव के नेत्र ल दान करे के मन बनाइस। ये तरह ले मृतका के परिजन मन ह एक मिसाल पेश करिस हे।
आज बिहनिया एक हादसा म ध्रुव परिवार ह अपन आंखी के तारा ल खो दिस। लेकिन वास्तिका के आंखी ले कोनो के दुनिया म रोशनी भरे बर दान कर दिस। जिला अस्पताल म पोस्टमार्टम के बखत परिवार के लोगन मन ह ये निरनय लिस. अउ जरूरी औपचारिकताएं पूरा करिस।