जय जोहार अम्बिकापुर…. कोरोना वायरस के रोकथाम बर मितानिन मन के तरफ ले परिवार मन के भ्रमण कर लोग म जागरूकता लाने अऊ संदिग्ध मरीज मन के त्वरित पहचान जैसा कार्य करे जात हे। मितानिन मन के ए भूमिका बर अब अप्रैल अऊ मई महीना बर प्रतिमाह एक हजार रूपिया के अतिरिक्त प्रोत्साहन राशि दे जाही। ए राशि ले सरगुजा जिला के तीन हजार 319 मितानिन लाभांवित होही।
मुख्य चिकित्सा अऊ स्वास्थ्य अधिकारी पीएस सिसोदिया ह बताइस कि वर्तमान परिदृश्य म कोरोना वायरस के संक्रमण ले बचाव बर व्यापक सामुदायिक जागरूकता म मितानिन मन के भूमिका महत्वपूर्ण हे। समुदाय म संक्रमण के फैलाव ल कम करे बर मितानिन ह पारा, मोहल्ला अऊ सामाजिक स्तर म अलग-अलग प्रकार के गतिविधि के संचालन करत हे। प्रोत्साहन राशि बर पात्रता रखइया मितानिन मन के सूची ल मितानिन प्रशिक्षक के तरफ ले खंड चिकित्सा अधिकारी के कार्यालय म जमा करे ल होही।
No Comment! Be the first one.