corona: विधायक अऊ राजधानी के एएसपी ल कोरोना, पढो पूरा खबर

जय जोहार…. छत्तीसगढ़ म कोरोना (corona) संक्रमण ह तेज ले बाढ़त जावत हे। आज रायपुर के नव पदस्थ अतिरिक्त पुलिस अधीक्षक लखन पटले अऊ विधायक विनोद सेवन लाल चंद्राकर ह कोरोना संक्रमित पाय गे हे।

महासमुंद विधायक विनोद सेवनलाल चंद्राकर ह खुद के कोरोना (corona) पाजिटिव होय के जानकारी ट्वीट कर दे हे। विधायक चंद्राकर ह कोरोना के प्रारंभिक लक्षण मिले के बाद टेस्ट कराय रिहिस, जेमा ओ हा पाजिटिव मिले हे।

रायपुर अतिरिक्त पुलिस अधीक्षक लखन पटले ह गला म खरास अऊ बुखार आय के बाद एंटीजन टेस्ट कराय रहिस, जेमा ओ हा (corona) पाजिटिव पाय गे हे। ओ हा अपन आरटीपीसीआर टेस्ट घलो कराय रहिस। जेखर रिपोर्ट आना बाकी हे। एखर दु दिन पहिले अतिरिक्त पुलिस अधीक्षण ग्रामीण तारकेश्वर पटेल घलो पाजिटिव पाय गे रहिस, ओ हा आरटीपीसीआर टेस्ट कराय रहिस।