Corona: कांग्रेस विधायक देवेंद्र यादव ह दूसर घांव हो गे कोरोना पाजिटिव, ट्वीट कर दे हे जानकारी

जय जोहार…. (Corona) भिलाई नगर ले कांग्रेस विधायक देवेंद्र यादव ह दूसर घांव कोरोना के चपेट म आ गे हे। बीते सनिच्चर के ओखर परिावर के 5 सदस्य मन के रिपोर्ट ह कोरोना पाजिटिव आय रिहिन। जेमा ओखर मां, भाई समेत ओखर भाभी सामिल हे। ए जानकारी ल स्वयं विधायक देवेंद्र यावद ह ट्वीट कर दे हे।

विधायक देवेंद्र यादव ह ट्वीट कर जानकारी दे हे कि मोर माता, बड़े भैया-भाभी समेत परिवार के 5 सदस्य मन के (Corona) कोविड-19 रिपोर्ट ह पाजिटिव आय हे। मोरो म घलो कोविड के लक्षण दिखाई देवत हे। जेखर सती हमन सबो आइसोलेशन म हे।

परिवार के दूसर सदस्य मन के संग मोर घलो (Corona) कोविड 19 रिपोर्ट पाजिटिव आय हे। मेहा दूसर घांव कोरोना संक्रमण के चपेट म आय हों। आप सबो ले निवेदन हे कि अपन अउ परिवार के ख्याल रखे।