Raipur: विधायक कुलदीप जुनेजा ह ठिठुरत ठंड म असहाय लोगन मन ल बांटे हे कंबल, पढो पूरा खबर

जय जोहार…. (Raipur) रायपुर उत्तर के विधायक अऊ छत्तीसगढ़ गृह निर्माण मंडल के अध्यक्ष कुलदीप जुनेजा ह अपन समर्थक मन के संग कड़ाके के ठण्ड म रायपुर रेलवे स्टेशन म गरीब अऊ असहाय लोगन मन ल कंबल बांटे हे।

ए दौरान (Raipur) विधायक अऊ छत्तीसगढ़ गृह निर्माण मंडल के अध्यक्ष कुलदीप जुनेजा ह असहाय लोगन मन के मदद करत रहने आम जन ल आगू आय के बात कहिन।

बता देन कि हरेक साल एक प्रयास संस्था के अध्यक्ष सत्तु सिंह के तरफ ले रेलवे स्टेशन म गरीब लोगन मनल कंबल बांटे के ओ मन ल मदद करे जावत हे, जेखर ले ओ ह ठंड ले सुरक्षित रह सके।

रायपुर (Raipur) रेलवे स्टेशन म कंबल बांटे के मऊका म पार्षद अमितेष भारद्वाज, एल्डरमैन सुनिल भुवाल, संजय सोनी, महेंद्र बाघ, जगन्नाथ नायक, कुशाग्र सोलंकी समेत आन कार्यकर्ता ह मौजूद रिहिन।