दुर्ग। पीसीसी चीफ भूपेश बघेल उपर जनता कांग्रेस छत्तीसगढ़ ह अवैध शराब बेचे के आरोप लगाय हे। जिला पंचात सदस्य अउ ऋचा जोगी ह पाटन म आयोजित किसान सम्मेलन म कहिन के पाटन के विधायक शराब बेचत हे।
दरअसल विधानसभा क्षेत्र पाटन म जनता कांग्रेस छत्तीसगढ़ ह किसान सम्मेलन के आयोजन करिस। ये सम्मलेन म ऋचा जोगी ह पाटन क्षेत्र के समस्या मन ल लेके भूपेश बघेल उपर जमके निशाना साधिस। ऋचा जोगी ह इहां तक कह दिस के, इहां के स्थानीय विधायक शराब बेचत हे। लिहाजा उमन ल बाहिर के रद्दा दिखाय जायअउ चुनाव म जनता द उमन ल सबक सिखाही। जोगी परिवार के बहू ऋचा जोगी के संग पाटन के जिला पंचायत सदस्य राकेश ठाकुर ह घलो भूपेश बघेल ल आड़े हाथ लिस। राकेश ठाकुर ह घलो कहिन के विधायक बघेल के संरक्षण म अवैध शराब बिकत हे।
