मनरेगा म बीजापुर जिला ह आय हे प्रदेश म अव्वल, कोरोना काल म ग्रामीण मन ल मिले हे काम

जय जोहार…. मनरेगा ले ग्रामीण मन ल कार्य उपलब्ध कराय बर बीजापुर जिला ह पूरा प्रदेश म अव्वल नंबर म आय हे। जिला पंचायत बीजापुर के मुख्य कार्यपालन अधिकारी पोषण चंद्राकर ह बताइस कि लॉकडाउन सेति ग्रामीण जॉब कार्डधारी परिवार मन ल जियादा रोजगार उपलब्ध कराय बर पर्याप्त कार्य स्वीकृत करे गे हे।

जेन पंचायत म पहिले कार्य नई हो पावत रहिस, ऊहां घलो जनप्रतिनिधि मन के सहभागिता ले कार्य कराय के लक्ष्य रख के कार्य स्वीकृत करे गे हे। वो हा बताइस कि जल संरक्षण, जल संचय अऊ मांग के अनुरूप हितग्राही मूलक कार्य के कार्ययोजना के परिणीति के चलत ह मन ह जॉब कार्डधारी परिवार मन ल पर्याप्त काम उपलब्ध करा पावत हन।