श्मशान घाट म मनरेगा ले होही ग्रीन फेंसिंग, मनरेगा कार्यालय ह कलेक्टर मन ल जारी करिन परिपत्र

जय जोहार…. श्मशान घाट म मनरेगा ले बनइया बाउंड्री वाल ह जीवित पेड़-झाड़ी अउ खाई सहमेड़ ले बनाये जाही।

मनरेगा आयुक्त कार्यालय ह श्मशान घाट म बाउंड्री वाल बर ग्रीन फेंसिंग तैयार करे के निर्देश दे हे। ए संबंध म मनरेगा कार्यालय ह सब्बो कलेक्टर मन ल परिपत्र जारी करे हे।

एमा केन्द्रीय ग्रामीण विकास मंत्रालय के निर्देश के उल्लेख करत हुये केहे हे कि मनरेगा के अंतर्गत श्मशान घाट म बाउंड्री वाल के कार्य ल स्वीकृत करे जा सकत हे,

लेकिन एखर बर पक्का या आरसीसी निर्माण के अनुमति ह नई हे। श्मशान घाट के चारो ओर जीवित पेड़, झाड़ी के उपयोग ले बाउंड्री वाल या खाई सहमेड़ के निर्माण करे जा सकत हे।