chhattisgarh म एक अप्रैल ले मनरेगा श्रमिक मन ल मिलही रोज के 193 रुपया मजदूरी, पढ़व पूरा खबर

जय जोहार…. (chhattisgarh) छत्तीसगढ़ म मनरेगा श्रमिक मन ल 1 अप्रैल ले रोज के 193 रुपया मजदूरी मिलही। भारत सरकार के ग्रामीण विकास मंत्रालय के तरफ ले मनरेगा के अंतर्गत वित्तीय बछर 2021-2 बर राज्य वार रोज के मजदूरी के दर के राजपत्र म प्रकाशन कर दे गे हे।

मनरेगा के तहत काम करइया अकुशल हस्त कर्मकारी मन बर छत्तीसगढ़ (chhattisgarh) बर 193 रुपया रोज के मजदूरी तय करे गे हे। ये नवा दर ह 1 अप्रैल 2021 ले प्रभावी होही।

केंद्रीय ग्रामीण विकास मंत्रालय के तरफ ले चालू वित्तीय बछर 2020-21 बर 190 रुपया मजदूरी दर निर्धारित रिहिन। (chhattisgarh) अवइया वित्तीय बछर बर एमा 3 रुपया के बढ़ोतरी करे गे हे।