chhattisgarh के 30 विद्यार्थी मन के मॉडल ह होय हे राष्ट्रीय स्तर म चयन, पढ़व
जय जोहार। (chhattisgarh ) छत्तीसगढ़ राज्य के 30 विद्यार्थी मन के मॉडल ह राष्ट्रीय स्तर म चयन होय हे । विद्यार्थी मन डहार ले तैयार करे ये मॉडल शिक्षा, स्वास्थ्य, सुरक्षा, कृषि, कृषि अभियांत्रिकी, बायोडिजेबल एनर्जी जइसे महत्वपूर्ण बिसय म आधारित हे। इंस्पायर अवार्ड मानक योजना 2020-21 के तहत राज्य ले विज्ञान अउ सामाजिक अनुप्रयोग म मूल विचार अउ नवाचार म 3678 प्रतिभागी मन के चयन राज्य स्तर म होय रिहीन, एमा ले 30 विद्यार्थी मन के मॉडल ह राष्ट्रीय स्तर चयन होय है।
गौरतलब हे कि (chhattisgarh) विद्यार्थी मन म विज्ञान के प्रति रूचि अउ रूझान बढ़ाय , ओमा वैज्ञानिक दृष्टिकोण अउ तर्क क्षमता के विकास करे ल नन्हें बाल वैज्ञानिक ल अवसर प्रदान करे बर इंस्पायर अवार्ड मानक योजना संचालित हे । स्कूल शिक्षा विभाग ले प्राप्त जानकारी के अनुसार इंस्पायर अवार्ड मानक योजना के तहत राष्ट्रीय स्तर म जेन विद्यार्थी मन के मॉडल ह चयन होय हे , ओमा दुर्ग जिला के विद्यार्थी रूपेश यादव ह बिल्डिंग मटेरियल लिफ्टिंग बॉक्सकेट फॉर मानसून, आशीष सोनी ह स्मार्ट डस्टबिन विथ ड्राई एण्ड वेट डस्ट सेपरेशन, दामिन साहू ह मल्टीपरपस मेकेनिकल मशीन, अनमोल मालवीय ह रोबोटिक हैण्ड, हरित चनचानी ह चाइल्ड लॉक एलपीजी सिलेण्डर अउ लीलाधर साहू ह स्मार्ट व्हील ओपनर फॉर कार के मॉडल प्रस्तुत करे रिहीन ।
अइसने सरगुजा जिला के रूपदेव ह चेयर एण्ड स्टेयर्स, सूरजपुर जिला के तुलेश्वरी यादव ने गेसचर कंट्रोल क्रॉप कटर रोबोट, राजनांदगांव के अनमोल साव ह मल्टीपरपस स्मार्ट व्हील चेयर, रईपुर के अदित सिंह ह बायोडिग्रेडेबल नेचुरल स्वीटनर कोटेट डिस्पोजेएबल कप विथ एम्बडेड मेडिशनल इम्यूनोबूस्टर हर्ब्स मिक्सर, कुमारी मोनिका ह भार विभक्त, रायगढ़ के आयुषमान त्रिपाठी ह द स्मार्ट क्लाथ एण्ड शू डायर मशीन, रायगढ़ के अंकेश कुमार झा ह ऑल इन वन सेनेटाईजर मशीन के मॉडल बनाय रिहीन।
(chhattisgarh )महासमुंद के रितु निषाद ह मूवर फॉर द फिक्सड एण्ड हेवी आब्जेक्टस्, कोरबा के पूनम कुमारी रोहिदास ह सेफ्टी बैंड फॉर चिल्ड्रन, कोरबा के तेजकुमार ह एसेशिरिज फॉर ब्रिक-टिलिंग वरकर्स ऑन द हेड, कोण्डागांव के सुरेन्द्र नेताम ह स्मार्ट अलार्म फॉर प्रोटेक्शन फ्रॉम कोविड-19, कबीरधाम के राजकुमारी श्रीवास ह एड ब्रेल सिस्टम इन इंडेक्शन कूकर, जांजगीर-चांपा के उमेश कुमार ह क्लाथ ड्रायिंग मशीन, गरियाबंद के चंचल निर्मलकर ह अस्वस्थ बुजुर्ग बर सुरक्षित बिस्तर के मॉडल ल बनाय रिहीन ।
