Corona warrier के जेब ले मोदी सरकार काट लिस 38 हजार करोड: शैलेष नितिन

रायपुर. कांग्रेस ह पीएफ मामला ल लेके एक घांव फेर मोदी सरकार उपर निसाना साधे हे। ए दरी कांग्रेस ह आरोप लगावत हे कि कि कोरोना महामारी ल लेके जेन Corona warrier मन ह दिन रात एक कर दे हे, अब ओखरे मन के जेब ले 38 हजार रुपया के कटौती कर दे हे।

देखव विडियो

कांग्रेस ह भाजपा सरकार के कर्मचारी विरोधी अऊ पेंशनधारी विरोधी के निंदा करत हे।  मामला म प्रदेश कांग्रेस संचार विभाग के अध्यक्ष शैलेश नितिन त्रिवेदी ह कहिन कि मोदी सरकार हर कोराना वायरस ले निपटे के नाव ले 113 लाख सैनिकों, सरकारी करमचारी, पेंसनर के मंहगाई भत्ता म कैंची चलाए के मुद्दा म कांग्रेस ह विरोध करथे। ओमन कहिन कि इही लोगन मन कोरोना वायरस के जंग म सबले आगू खड़े सिपाही के भूमिका निभावत हे। मोदी सरकार अपन बेफजूल खरचा म कटौती करे के बजाय सरकारी करमचारी मन के पेंशन अऊ मंहगाई भत्ता म कटौती करत हे।

कांग्रेस संचार विभाग के अध्यक्ष शैलेश नितिन त्रिवेदी ह कहिन कि मोदी सरकार ल 20 हजार करोड़ सेंट्रल विस्टा प्रोजेक्ट अऊ 1 लाख 10 हजार करोड़ के बुलेट ट्रेन प्रोजेक्ट व झाईस लाख करोड़ के अपन सरकारी खरचा म कटौती करके ए पईसा ल जरूरतमंद मन ल देना रिहिस। एक कोती देश ह आर्थिक अऊ व्यक्तिगत के संगे-संग कई तरह के संकट ले जूझत हे दूसर कोती एखर मन के घाव म मरहम लगाए के बजाय मोदी सरकार ह ओखर मन के जले म नमक छिड़के के काम करत हे।