Congress: छत्तीसगढ़ राज्य के संग मोदी सरकार ह करत हे सौतला व्यवहार: विकास
जय जोहार…. प्रदेश कांग्रेस (Congress) प्रवक्ता विकास तिवारी ह कहिन कि केंद्रीय ग्रामीण स्वामित्व योजना म छत्तीसगढ़ राज्य ल शामिल नई करे गे हे। जबकि पड़ोसी राज्य मध्यप्रदेश समेत हरियाणा, कर्नाटक, महाराष्ट्र, उत्तराखण्ड अऊ उत्तरप्रदेश ल शामिल करे गे हे। किसान सम्मान निधि के लाभ छत्तीसगढ़ राज्य ल केंद्र के मोदी सरकार ह नई देवत हे।
राज्य म 34 लाख किसान मन के सूची ल भेजे गे रिहिन, मोदी सरकार के तरफ ले 18 लाख किसान मन ल शामिल नई करे गे हे। (Congress) वन नेशन वन राशनकार्ड के दूसर चरण म छत्तीसगढ़ राज्य ल शामिल नई करना मोदी सरकार के सौतेला व्यवहार हे।
कांग्रेस (Congress) प्रवक्ता विकास तिवारी ह कहिन कि टैक्स ल ले के अनुदान तक दे म भेदभाव करे जावत हे। जीएसटी के क्षतिपूर्ति म छत्तीसगढ़ राज्य के अनदेखी कर गे हे। राज्य ल 9 हजार करोड़ रुपया मिले ल रिहिन, लेकिन ए वर्ष सिरिफ 350 करोड़ रुपया जारी करे गे हे। वन अधिकार पट्टा बांटे के योजना म घलो राज्य के उपेक्षा करे गे हे।
