मोदी-शाह सरकार ह कच्चा तेल के घटे अंतरराष्ट्रीय दाम मन के लाभ जनता तक पहुंचाए, पेट्रोल, डीजल अऊ गैस के मूल्य म 40 प्रतिशत कम करना चाही: शैलेष नितिन त्रिवेदी
जय जोहार रायपुर…. पेट्रोल अऊ डीजल के दाम मन म 14 पैसा अऊ 17 पैसा के कमी ल अपर्याप्त अऊ अन्यायपूर्ण निरूपित करत हुए प्रदेश कांग्रेस के महामंत्री अऊ संचार विभाग के अध्यक्ष शैलेश नितिन त्रिवेदी ह कहिन कि भाजपा सरकार ह पिछिले छह साल म आम आदमी के जेब ले 15 लाख करोड़ रूपिया निकाल ले हे। आज अर्थव्यवस्था के बुरा हाल हे, त ईंधन के दाम मन म तीन रूपिया प्रति लीटर एक्साइज बढ़ा के भाजपा सरकार ह आम आदमी के जख्म म नमक छिड़के के काम करे हे। मोदी-शाह सरकार ल कच्चा तेल के घटे हुए अंतरराष्ट्रीय दाम मन के लाभ देश के जनता ल पहुंचा के फौरन पेट्रोल, डीजल अऊ गैस के मूल्य ल 40 प्रतिशत कम करना चाही।
वो हा कहिन कि पहिले हरेक सप्ताह अऊ बाद म हरेक दिन क्रूड आईल के दाम मन म वृद्धि के हवाला देके पेट्रोल-डीजल के दाम अऊ महंगाई बढ़ाए के जनविरोधी कृत्य करत रहिस। अब अंतरराष्ट्रीय बाजार म कच्चे तेल क्रूड आईल के दाम घट के 30 डालर प्रति बैरल हो जाए के बाद मोदी सरकार के तरफ ले एखर लाभ पेट्रोल-डीजल के उपभोक्ता मन तक पहुंचाए के बजाए तीन रूपिया प्रति लीटर वृद्धि के गरीब विरोधी-जन विरोधी फैसला मोदी सरकार ह ले हे।
वो हा कहिन कि कच्चा तेल गिर के 30-32 डालर प्रति बैरल हो गे हे, परंतु नवंबर 2004 म जेन कच्चा तेल 38 डालर प्रति बैरल रहिस, ओखर बराबर कीमत लाए बर त दूर, मोदी सरकार पेट्रोल म 32 रूपिया 45 पैसा अऊ डीजल म 38 रूपिया 69 पैसा प्रति लीटर खुद के जेब म डालत हे, ए कहां के न्याय हे।
