चुनाव के तियारी के प्रदेश प्रभारी अनिल जैन ह समीक्षा करिन

रायपुर. लोकसभा चुनाव के तियारी के प्रदेश प्रभारी अनिल जैन समीक्षा करिन. भाजपा नेता मन अउ कार्यकर्ता मन के बीच जैन बइठक लेके प्रत्याशी मन के संबंध म फीड बैक लिन.

उमन कहिन के, देश के स्वाभिमान अउ सम्पूर्ण विकास बर प्रधानमंत्री नरेन्द्र मोदी के नेतृत्व बहुत जरूरी हवय. पूरा देश के जनता पीएम मोदी के नेतृत्व म भारत के उज्ज्वल भविष्य सुनिश्चित मानत हवय. छत्तीसगढ़ प्रदेस के जनता घलो राष्ट्रीय भावना के संग मोदी सरकार के समर्थन म भारतीय जनता पार्टी के संग हे. हमार कार्यकर्ता पूरा उत्साह के संग लोकसभा चुनाव म पार्टी ल विजयश्री दिलाए बर तियार हे. मोदी के मिशन ही हम सबके मिशन हे.

11 सीट मन खिल ही कमल : विक्रम उसेंडी
भाजपा प्रदेश अध्यक्ष सांसद विक्रम उसेंडी ह कहिन के, छत्तीसगढ़ म भाजपा पाछू दू दशक ले लोकसभा चुनाव म एक तरफा जीत दर्ज करत आवत हे. हमार कार्यकर्ता जीत के ए सिलसिला ल बरकरार रखही अउ राज्य के सबो 11 सीट मन म कमल खिलाही. उमन कहिन के, मोदी मिशन के अर्थ ए हे के सबले पहिली देश. छत्तीसगढ़ के जनता ए मिशन म भाजपा के संग हे.

पूरे विश्व को मोदी का नेतृत्व पंसद- बृजमोहन अग्रवाल
पूर्व मंत्री एवं वरिष्ठ नेता बृजमोहन अग्रवाल ह कहिन के, आज पूरा विश्व प्रधानमंत्री मोदी के नेतृत्व ल पसंद करच हवय. भारत के संग मिल के विश्व कल्याण के दिशा म आघू बढ़त हवय. मोदी सरकार ह देश को आम जनता के हित म ऐतिहासिक कार्य करे हवय. अउ देश के स्वाभिमान ल चरम म पहुंचाइन हे. आंतरिक सुरक्षा के क्षेत्र म पीएम मोदी ह जे दृढ़ता दिखाए हे, ओखर विश्व बिरादरी म भारत के मान-सम्मान बढ़िस हे. आज दुनिया के बड़का-बड़का देश भारत के तरफ सहयोग के उम्मीद ल देखत हवय. त ए मोदी के कुशल नेतृत्व के ही परिनाम हे. विश्व मंच म भारत के गरिमा बढ़े हे. समूचा देश चाहत हे के मोदी के नेतृत्व म भारत के सम्पूर्ण विकास होवय. छत्तीसगढ़ के जनता घलो इही भावना के संग मोदी के नेतृत्व चाहत हे..