मोहन मरकाम ह पेश करिस अशासकीय संकल्प, विपक्ष के गैर मौजूदगी म सदन ह करिस स्वीकृत
जय जोहार रायपुर… कांग्रेस विधायक अऊ पीसीसी के अध्यक्ष मोहन मरकाम ह शुक्रवार के सदन म अशासकीय संकल्प पेश करिस। वो हा गौठान निर्माण अऊ चरवाहा मन के मजदूरी भुगतान किए जाए ल मनरेगा म शामिल करे के संकल्प ल पेश करिस। विधायक ह विपक्ष के गैर मौजूदगी म ये अशासकीय संकल्प पेश करिस, जेला चर्चा के बाद स्वीकृत कर ले गिस।
विधायक मोहन मरकाम ह कहिन कि गौठान ले जुड़े किसान मन अऊ चरवाहा मन ल रोजगार मिल सकही। मनरेगा ले जोड़े ले किसान मन ल लागत कम आही। किसान मन के लाभ बढ़ जाही। मनरेगा के माध्यम ले चरवाहा मन ल मानदेय दिए जा सकही। पैरा के परिवहन किए जा सकही। एखर ले लागत के बोझ नई परही। जेखर कांग्रेस विधायक शक्राजीत नायक अऊ ममता चंद्राकर ह समर्थन करिस।
