मोहन मरकाम ह कहिन- कोनो प्रांत अऊ बिरादरी के हो मजदूर, कांग्रेस पार्टी ह ओखर संग
जय जोहार…. कांग्रेस अध्यक्ष सोनिया गांधी के घोसना के अनुसार एआईसीसी ह सबो प्रदेश कांग्रेस इकाई ल निर्देश दे हे कि हर मजदूर अऊ प्रवासी श्रमिक के रेल यात्रा व्यय ल संबंधित प्रदेश कांग्रेस के तरफ ले उठाये जाही। प्रदेश कांग्रेस अध्यक्ष मोहन मरकाम ह कहिन कि छत्तीसगढ़ ले चलइया कोनो श्रमिक स्पेशल ट्रेन म मजदूर मन ह कोई प्रांत के हो, ओखर यात्रा व्यय ल प्रदेश कांग्रेस कमेटी के तरफ ले दे जाही। वो हा कहिन कि कोनो प्रांत के कोई भाषा-भाषी, कोनो बिरादरी के मजदूर हो, भारत के हरेक मजदूर के संग कांग्रेस पार्टी अऊ कांग्रेस सरकार खड़े हे।
वो हा कहिन कि देश के सबो प्रदेश कांग्रेस कार्यालय के संगेसंग छत्तीसगढ़ प्रदेश कांग्रेस कमेटी कार्यालय राजीव भवन म घलो प्रवासी मजदूर मन के सहायता बर हेल्पलाइन नंबर तत्काल सेटअप करे जात हे। छत्तीसगढ़ म जेन प्रवासी मजदूर-श्रमिक हे अऊ ट्रेन म यात्रा करना चाहत हे। ओखर बर एक डेडीकेटेड हेल्प डेस्क अऊ पहुंच योग्य हेल्प लाइन नंबर के संग तत्काल बनाये जात हे।
उल्लेखनीय हे कि छत्तीसगढ़ के कांग्रेस सरकार ह रेलवे ल पत्र लिख के केहे हे कि देश के अन्य प्रांत ले छत्तीसगढ़ अवइया मजदूर मन बर चलइया श्रमिक स्पेशल ट्रेन के पूरा यात्रा व्यय ल छत्तीसगढ़ के कांग्रेस सरकार ह वहन करही।
