राजधानी पहुंचिस मानसून, मौसम विभाग ह दिस भारी बारिश के चेतावनी

जय जोहार…. छत्तीसगढ़ म मानसून ह गुरुवार के दस्तक दे दे हे। एखर बाद तेजी ले आगू बाढ़त हुये आज राजधानी रायपुर तक पहुंच गे हे। मौसम विभाग ह गरज अऊ चमक के संग भारी बारिश के चेतावनी दे हे। मौसम वैज्ञानिक के मुताबिक मानसून ह रायपुर पहुंच गे हे। एखर आगू बाढ़े बर अनुकूल परिस्थिति ह बने हुये हे।

मौसम वैज्ञानिक के मुताबिक छत्तीसगढ़ के अधिकांश स्थान म हल्की ले मध्यम बारिश हो सकत हे। गरज अऊ चमक के संग छींटे पड़े के घले संभावना हे। एक-दू स्थान म भारी ले अति भारी बारिश होय के संभावना हे। ऊहचे एक-दू स्थान म बादल गर्जन के संग आकाशीय बिजली गिरे के घलो संभावना हे।