मोपेड सवार मन ह महिला ले मोबाइल लूट के भाग गिस , अब तक लूटेरा मन के पता नई चलिस

जय जोहार रायपुर…. कुशालपुर-भाठागांव सर्विस रद्दा म सोमवार के मोपेड सवार तीन युवक मन ह फायनेंस कंपनी के महिला अधिकारी ले मोबाइल लूट लिस। पुलिस के मुताबिक सर्विस रद्दा म महिला अधिकारी मोबाइल ले बात करत रहिस। ए बखत म पीछे ले मोपेड म सवार तीन युवक आइस अऊ पीछे बैठ युवक ह झपट्टा मार मोबाइल छिनकर भाग गिस। एखर बाद महिला ह शोर मचाई, आसपास ले लोग मन ह इकट्ठा हो गिस, पर लूटेरा मन ह गायब हो गे रहिस। पुलिस ह बताइस कि संतोषी नगर के मीनाक्षी शर्मा फायनेंस कंपनी म अधिकारी हे। वो हा कुशालपुर से भाठागांव सर्विस रद्दा म जावत रहिस हे तब वो ह लूट के शिकार होईस.