एक्शन, इमोशन के तड़का ले भरपूर ”मोर जोड़ीदार” आज हो ही रिलीज

रायपुर । छत्तीसगढ़ी सिनेमा जगत म पहिली दफा सबले बढ़िया टेक्नॉलाजी म तैयार मोर जोड़ीदार शुक्रवार के छत्तीसगढ़ के सिनेमा घर म रिलीज होही। ये फिल्म के निर्माण एन माही फिल्मस के बैनर तले करे गेहे। फिल्म के निर्माता हे मोहित कुमार अउ फिल्म ल भूपेंद्र चंदनिया ह निर्देशित करे हे। ।
फिल्म के मुख्य कलाकार मन कुरैशी, दिलेश साहू, अनोखी, माही खॉन, रजनीश झांझी, पूनम मिश्रा, क्रांति दीक्षित, सरल सेन, शैलेंद्र भट्ट, सुदामा शर्मा मन हे। फिल्म के कहानी, पटकथा अउ संवाद ल सुदामा शर्मा ह लिखे हे। गीत ल मुन्ना कौशल सेन लिखे हे, जेला मधुर मधुर संगीत म पिरोय हे सुनील सोनी ह। फिल्म के सिनेमेटोग्राफर सिद्धार्थ सिंह व एक्शन डायरेक्टर सतीश हवय।
फिल्म के कोरियोग्राफी निशांत उपाध्याय करे हे। फिल्म मोर जोड़ीदार के कहानी अबब्ड़ सुघर हे जेमा आप मन ल जबरदस्त एक्शन, इमोशन अउ मनमोह ले वाले लोकेशन देखेल मिलही। फिल्म के शूटिंग छत्तीसगढ़ के संग- संग नेपाल के कतको खूबसूरत लोकेशन्स म करे गेहे। ये फिल्म ह पारिवारिक मनोरंजन के संग सामाजिक संदेश दे वाले हे।
मल्टीप्लेक्स के दर्शक मन फ़िल्म ल रायपुर म कलर्स मॉल अउ बिलासपुर म 36 मॉल म देख सकत हे। फ़िल्म के ऑनलाइन बुकिंग बुक माय शो म जारी हवय। एती सिंगल स्क्रीन म ये फ़िल्म प्रदेश भर के कई ठन सिनेमाघर मन म रिलीज़ होवत हे।