corona: प्रदेश म देर रात कोरोना के अउ 100 नवा मरीज के होइस पहचान, राजधानी म 320 संक्रमित

जय जोहार…. छत्तीसगढ़ म बुधवार देर रात कोरोना (corona) के 100 अउ नवा मरीज के पहचान होय हे। ए नवा मरीज मन ल मिला के बुधवार के कोरोना के 752 नवा मरीज मिले हे।

एमा सबले जादा रायपुर ले 320 नवा मरीज शामिल हे। उहचे 338 मरीज मन ल स्वस्थ होय के बाद डिस्चार्ज कर दे गे हे। जबकि छह लोगन मन के इलाज के दौरान मौत हो गे हे।

देर रात जेन कोरोना (corona) के नवा मरीज मिले हे, ओमा रायपुर ले 29, राजनांदगांव ले 26, रायगढ़ ले 25, बालोद ले 8, कबीरधाम ले 4, धमतरी ले 2, दुर्ग, बलौदाबाजार, गरियाबंद, कोरबा, कोरिया अउ कांकेर ले 1-1 मरीज शामिल हे।

एखर पहिले देर शाम तक मिले 652 नवा मरीज मन म रायपुर ले 291, दुर्ग ले 77, बिलासपुर ले 49, रायगढ़ ले 41, सुकमा ले 27, बलौदाबाजार ले 25, कोरिया ले 24, राजनांदगांव अउ गरियाबंद ले 18-18, नारायणपुर ले 12, कोंडागांव अउ बीजापुर ले 9-9, बस्तर, दंतेवाड़ा अउ कांकेर ले 7-7, सूरजपुर अउ जशपुर ले 5-5, महासमुंद, जांजगीर-चांपा अउ मुंगेली ले 4-4, बालोद, धमतरी, सरगुजा अउ बलरामपुर ले 2-2, कबीरधाम ले 1 मरीज मिले रहिस।

बता देन कि राज्य म कोरोना (corona) संक्रमित मन के संख्या ह बाढ़ के 17585 हो गे हे। जेमा ले 6236 एक्टिव मामला हे। उहचे 11185 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अभ तक 164 लोगन मन के जान चले गे हे।