Corona: देश म बीते 24 घंटा म बाढ़ गे कोरोना के 1.31 लाख ले जादा नवा मामला, पढ़व

जय जोहार…. (Corona) देश म पिछिले म 24 घंटा म कोरोना के 1.31 लाख ले जादा नवा मामला सामने आय हे। उहचे 61829 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 802 संक्रमित मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 1 लाख 31 हजार 787 नवा मरीज मिले हे। एला मिला के संक्रमित मन के संख्या ह 1 करोड़ 30 लाख 57 हजार 954 हो गे हे। जेमा ले 9 लाख 74 हजार 147 एक्टिव मामला हे।

उहचे 1 करोड़ 19 लाख 10 हजार 741 मरीज मन ह कोरोना (Corona) ले जंग जीत गे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 1 लाख 67 हजार 694 मरीज के मौत हो गे हे।